Кара-Көлдөгү жоокер өлүмүнүн чоо-жайы

Жалал-Абад аскер прокуратурасы Кара-Көл шаарындагы Улуттук гвардияга караштуу 718-бөлүктөгү жоокердин өлүмү боюнча кылмыш ишти тергеп-иликтеп жатат. Башкы штаб ушул айдын башында эки аскер тамашалашып кармаша кетип, бири экинчисин кокусунан өлтүрүп алды деп кабарлаган болчу. Бирок өлгөн жоокердин жана аны өлтүрүүгө шектүү деп камакка алынган аскердин жакындары буга ишенбей жатат.