"Махабхарата" кыргыз сахнасында

Кыргыз драма театрында Индостандын элдик эпосу “Махабхаратанын" негизинде драмалашкан “Улуу Бхарата урпактары” спектакли жүрүп жатат. Бир нече том жыйнактардан турган, узак тарыхы бар эпостун өзөк окуясынын негизинде коюлган спектаклде бир тамырдан тараган адамдар ортосундагы көралбастык, зулумдук, бийлик, байлык үчүн болгон тирешүү баяндалган. Спектакль Индиянын Кыргызстандагы элчилигинин жана Улуттук театрдын биргелешкен долбоорунун негизинде коюлду.