Бул тууралуу Кыргызстандын Мамлекеттик чек ара кызматы билдирди. Маалыматка караганда, кыргыз-кытай чек арасындагы “Торугарт” жана “Эркештам” өткөрүү бекеттери 30-апрелден 3-майга чейин жабык болот. Бул Кытайда эмгек майрамынын белгиленишинен улам чыгууда.
Аталган бекеттер аркылуу автоунаа, жүргүнчүлөрдү жана жүк өткөрүү 3-майдан тартып калыбына келет. Расмий Бээжин коопсуздукка байланыштуу мамлекеттик деңгээлдеги майрамдар учурунда чек араларын убактылуу жаап турат. (NT)
