Өзгөчө кырдаалдар министрлиги билдиргендей, Чүй районунун Ибраимов, Ак-Бешим айылдарында 18-апрелдеги селдин кесепеттерин жоюу аракеттери уланууда.
Бурана капчыгайында таза суу кудугу ылайдан жана таштандыдан тазаланды. Ошондой эле Бурана дарыясы менен Осмон каналында сел калдыктарынан тазалоо иштери жүргүзүлдү. Жергиликтүү бийлик түзгөн атайын жумушчу топ айдоо жерлерди текшерип чыгып, жалпысынан 83,15 гектар аянтты суу алып кеткендигин аныктады. Азыр районго келтирилген материалдык чыгым такталууда. (NT )
