Парламентти 2021-жылга чейин өнүктүрүү стратегиясынын долбоору талкууга коюлду. Анда Жогорку Кеңешти өнүктүрүүнүн негизги максаттары менен милдеттери жазылган.
Мыйзам боюнча жаңы чакырылыштын башталышында парламенттин өнүгүү стратегиясы кабыл алынууга тийиш. Мурдагы чакырылыштын стратегиясында 2010-жылдагы апрель жана июнь окуяларынан кийин өлкөдөгү туруктуулукту сактоо, парламенттик демократияны өнүктүрүү маселелерине көңүл бурулган.
Азыркы стратегия 2021-жылга чейин өлкөнү өнүктүрүүгө багытталганын парламенттин басма сөз кызматы кабарлады. (NT)
