Украина президенти Петро Порошенко 2014-жылдын 1-январынан кийин чыгарылган бардык орусиялык тасмалардын өлкө аймагында көрсөтүлүшүнө тыюу салган мыйзамга кол койду.
Мыйзамга ылайык, Украина аймагында Орусиянын мамлекеттик мекемелеринин ишин даңктаган 1991-жылдан бери чыгарылган тасмалар да көрсөтүлбөйт.
“Мыйзам Украинанын Улуттук коопсуздугун коргоонун деңгээлин көтөрүүгө, коомдогу жикчилдик маанайдын азайышына жана өкмөттүн аброюн бекемдөөгө өбөлгө болот”-деп жазылат документте.
Калктын басымдуу бөлүгү эки тилдүү болгондуктан орусиялык фильмдер жана телесериалдар Украинада өзгөчө белгилүү болуп келген.
Эки өлкөнүн алакасы 2014-жылы орусиячыл президент Виктор Янукович кулатылып, март айында Москва Крым жарым аралын аннексиялап алган соң бузулган.
