Манхеттен округунун федералдык прокурору Прит Бхарара айрым фактылар боюнча кылмыш иликтөөсүн баштаганын билдирди.
Ал көмөк көрсөтүү үчүн Журналисттик иликтөөлөрдүн эл аралык консорциумуна кайрылганын айтты.
3-апрелде аталган консорциум дүйнөнүн ар кайсы мамлекеттериндеги саясатчылар менен ири ишкерлердин арам акчаны офшордук схемалар аркылуу адалдоосун чагылдырган көлөмдүү баяндама жарыялаган. Анда КМШ өлкөлөрүнөн Путинден сырткары казак президенти Нурсултан Назарбаев менен байланыштагы ысымдар жана украин президенти Петро Порошенконун, азери президенти Илхам Алиевдин аты аталган.
