Премьер-министр Темир Сариев отставкага кетет деген маалымат чындыкка коошпойт. Бул тууралуу өкмөт башчынын басма сөз катчысы Бакыт Асанов “Азаттыкка” билдирди. Ал премьер жана министрлер кабинети кадимкидей эле иштеп жатканын, отставкага эч кандай негиз жоктугун кошумчалап, жалпыга маалымдоо каражаттарын такталбаган, жалган кабар таратпоого чакырды.
Буга чейин жергиликтүү маалымат булактары Аксыдагы Үңкүр-Тоого байланышкан кыргыз-өзбек мамилеси, акыркы саясий абалдан улам өкмөт 14-апрелге чейин кызматтан кетиши ыктымалдыгын жазып чыгышкан. (NT)
