Улуттук коопсуздук комитети бул күндөрү Ысык-Көл облусунда жергиликтүү тургундар менен жолугушууларды уюштуруп, экстремизмге каршы түшүндүрүү иштерин жүргүзүүдө. Кечээ Балыкчы шаарында өткөн жолугушууга муфтият, жергиликтүү бийлик, күч түзүмдөрүнүн өкүлдөрү, жаштар катышты.
Кыргызстандан Сирияга кеткен жарандардын саны 500дүн тегерегинде, алардын 135и балдар экени расмий айтылууда.
Учурда Жогорку Кеңеште экстремисттик-террордук аракеттер үчүн жазаны күчөтүү боюнча мыйзам долбоору каралып жатат. Анын алкагында диний-экстремисттик күчтөргө байланышып, иш-аракетин жайылтууга катышкандарды 14 жаштан баштап кылмыш жообуна тартуу жобосу каралган. (RK)
