Үркүн: Суурдун ийининде калган Кенжебай

1916-жылкы Үркүн апаатын көргөн Кенебай кызы Каший апанын уулу Сартбай Дубанбаев энесинен уккан окуяларды эмдигиче эсинен чыгара элек. Капыс келген алааматтын дене-бойду титиретчү кайгылуу окуяларын Каший апа жалгыз уулуна такай айтып келген. Эненин бул жарыкчылыкты таштап кеткенине кыйла жыл болгону менен артында калган урпактары кыргыз элинин башына түшкөн апаатты эсинен чыгара элек. Сартбай аба Үркүн тууралуу Каший ападан уккандарын айтып берди.