Орусиянын маалымат каражаттары маданият министринин орун басары Григорий Пирумов мамлекеттик каражатты уурдаган деген айып менен кармалганын жазып чыгышты. ИИМге таянуу менен жазылган кабарларда Пирумов 15-мартта Ростов-на-Дону шарында кармалып, Москвага суракка алып келингени айтылат. Ал өкмөт маданий мурастарга кирген имараттарды оңдоого жана калыбына келтирүүгө бөлгөн каражатка кол салууга шектелүүдө. 53 жаштагы Григорий Пирумов бул кызматта 2013-жылдан бери иштеп жаткан.
