Касапчынын бир күнү
Бакыт Садыков 1990-жылдардын аягынан бери Бишкектеги базарлардын биринде эт чабуучу болуп иштейт. Ат-Башынын Казбек айылында өсүп, ички миграциянын агымы менен Фрунзе шаарына келип, ошондон бери эт азыктары менен тейлөө тармагында иштеп келатат. Базарда эт чапкандан сырткары кардарлардын заказы менен той-топурларда алардын малын союп, этин бышырып, конокторго туура тартып берет, ал кызматы үчүн төрт миң сом алат. Анын убактысынын көбү базарда өтөт, ал эми касапчылык өнөрүн кошумча иш катары гана кабыл алат. Бул өнөрү менен үй-бүлөсүн багып, шакирттерди да үйрөтүп жатканын айтат.