АКШнын Мичиган штатында ишембинин кечинде алты адамды атып өлтүрүп, дагы экөөнү жарадар кылды деп шектелген адам кармалды. Полициянын билдиргенине караганда, 45 жаштагы Жейсон Далтон көп кабаттуу турак жайдын алдында туш келди адамдарга ок чыгарган.
Азырынча Далтонду бул кылмышка эмне түрткөнү белгисиз. Учурда камакта жаткан Далтондун автоунаасынан жарым автоматташкан тапанча табылган. Полиция ал мурда соттолгон эместигин билдирет.
