Жогорку Кеңештин депутаттары Жанар Акаев менен Аскарбек Шадиев АКШ президенти Барак Обаманын жыл сайын уюштурула турган атайын сый дасторконунан даам татышат. Жолугушуу Вашингтондо 3-февралда болот. Бул тууралуу парламенттен билдиришти.
Маалыматты депутат Жанар Акаев “Азаттыкка” бышыктап, Америка президентинин дасторконуна 130 мамлекеттен эл өкүлдөрү чакырылганын, ал жерде эч кандай саясий же экономикалык жаатта сүйлөшүүлөр болбой турганын айтты.
Обаманын сый тамагына Кыргызстандан барчу депутаттарды Жогорку Кеңеш сунуштаган. (SE)
