Кордолгон майып кыз акыйкаттык издейт

15 жаштагы майып кызды бир канча өспүрүм эки жылдай зордуктап жүргөн деген арыз боюнча алты айдан бери бир жаңсыл чечим чыкпай, иш Сокулук райондук сотунда созулуп келатат. Ал ортодо жабырлануучу тарап кылмышка шектелген балдардын ата-энелери кыздын өзүн сабап, үй-бүлөсүн коркутуп кеткенин айтып чыкты. Бирок мындай дооматты кылмышка шектелген өспүрүмдөр да, алардын ата-энелери да четке кагышууда. Зордукталды делген кыз экинчи топтогу майып, дарыгерлер аны акыл-эси жагынан жабыр тартаарын аныкташкан.