Иранда Сауд Арабиянын элчилигин өрттөштү

Шиит диниятчысы Нимр ан-Нимдин өлүм жазасына тартылганына нааразы болгон топ Тегерандагы Сауд Арабиянын элчилигинде бүлүк салды. Жаалдангандар дипломатиялык миссияга таш ыргытып, полициянын тоскоолдугуна карабай имараттын короосуна кирип барышты. Элчиликтин имаратынын жарымы өрттөлгөнү маалымдалды. 2-январда Эр-Риядда Нимр ан-Ним 46 адам менен бирге өлүм жазасына тартылган.