"Түркиядагы курбум сойкулукка мажбурлады"
“Азаттыкка” Түркиядан сексуалдык кулчулуктан качып келген Элмира аттуу келин кайрылып, оор тагдыры тууралуу айтып берди. Анын баяндашынча, Түркияга курбу кызынын чакыруусу менен барып, ушундай тагдырга туш болгон. 27 жаштагы Элмира жолдошу менен келишпей, эки ара жолго түшүп, төрт жаштагы баласын өзү тарбиялап жүргөн. Туруктуу иши жок болгондуктан, тамак-ашка тыйын-тыпыр табуу үчүн иштебеген жери калган эмес. Кийин өзүнөн мурда кеткен курбусунун чакыруусуна макул болуп, Түркияга барат. Бирок баары келин ойлогондон башкача болуп чыгат.