Кордук көргөндөрдүн үмүтү

Кыргызстанда жыл башынан бери 700дөн ашык бала ар кандай зомбулукка кабылса, анын ичинен 137си зордукталган. Зордук-зомбулукка кабылган өспүрүмдөр кайрадан кадимки жашоого келүү үчүн алар менен тажрыйбалуу адистер үч-төрт жыл иштеши керек. Учурда Бишкек шаарында ушундай оор тагдырга кабылган секелек кыздарга психологиялык жардам көрсөткөн Балдарды коргоо борбору иштеп келет. Бул борбордо 20 бала жашаса, алардын онго жакыны сексуалдык кордук көргөн өспүрүмдөр.