Жалал-Абад: зилзалада жарака кеткен үйлөр

Жер титирөөдөн Жалал-Абад облусунун Сузак районундагы Кара-Булак айылындагы он үйдүн, Катранкы айылындагы сегиз үйдүн ичинен майда жаракалар пайда болгон. Мындан сырткары ушул райондогу эки мектеп имаратынын жана Базар-Коргон районунда “Наристе” балдар бакчасынан, жергиликтүү оорукананын дубалдарынан жаракка кеткен. Адам үмүрүнө зыян келген эмес. Тактоо иштери дагы жүрүп жатат. 1-декабрда Жалал-Абадда болгон зилзаланын күчү Базар-Коргон районунун аймагында 5-6, ал эми Көк-Жаңгак, Кара-Көлдө 4, Жалал-Абад шаарында 3,5, Ошто 2-3 балл болгон.