Премьер-министр Темир Сариев бүгүн Ош облусунда жумуш сапар менен барып, жер титирөөдөн жабыркагандарга жардам көрсөтүүнүн жана калыбына келтирүү иштеринин жүрүшү менен таанышат. Бул тууралуу өкмөттүн маалымат кызматынан кабарлашты.
17-ноябрда болгон жер титирөөдө Ош облусунун Кара-Суу районундагы Чайчы айылы көп жабыркаган. Премьер-министр ошондой эле Ош шаарында төрөлгөн 6 миллионунчу наристенин үйүндө болот. 6 миллионунчу наристенин үй-бүлөсүнө 1 млн. сом жана 4 бөлмөлүү квартирага сертификат 28-ноябрда президенттик аппараттын кызматкерлери тарабынан тапшырылган. (AiT)
