81 жаштагы атактуу кинорежиссер бүгүн таңда Москвадагы ооруканалардын биринде кайтыш болгонун жубайы Надира Юнгвальд-Хилькевичке шилтеп орус маалымат каражаттары жазып чыгышты. Ал 3-ноябрдан бери жүрөк ооруусунан улам ооруканада жаткан.
Георгий Юнгвальд-Хилькевич 1934-жылы Ташкенде туулган. Режиссердун аты 1969-жылы "Коркунучтуу гастролдор" тасмасы менен чыккан. Бул фильмде башкы ролду Владимир Высоцкий аткарган эле. Юнгвальд-Хилькевич жыйырмадан ашык толук метраждуу көркөм тасма жаратып, алардын көпчүлүгү Украинанын Одесса киностудиясында тартылган.
