Жыйын 16-октябрда Казакстандын борбору Астанада казак президенти Нурсултан Назарбаевдин төрагалыгы алдында башталды. Иш-чарага Азербайжан, Армения, Беларус, Кыргызстан, Орусия, Тажикстан жана Өзбекстандын мамлекет башчылары катышууда.
Саммитке Түркмөнстандан премьер-министр орун басары, Украинанын Казакстандагы убактылуу ишенимдүү өкүлү келишкен.
Астанада Казакстандын президенти Нурсултан Назарбаев Беларус президенти Александар Лукашенкону шайлоодо жеңишке жетиши менен куттуктады.
Шериктеш мамлекеттердин президенттеринин Астана саммитинде коопсуздук, кызматташтык багытында жалпысы болуп 17 документке кол коюлмакчы.(ZKo)
