Борбордук шайлоо комиссиясы Социал-демократтар партиясынын үгүтү боюнча келип түшкөн арызды карап, эскертүү берүүдөн баш тартты. БШК партиянын үгүтүндө эч кандай мыйзам бузуу жок экенин, жөн гана реформаны колдоо чакырыгы айтылганын билдирди.
Буга чейин “Азаттык” партиясынын жетекчиси Исмаил Исаков КСДПнын үгүт жарнамалары боюнча чара көрүүнү суранып Борбордук шайлоо комиссиясына арыз менен кайрылган. Анда КСДП “Президентти колдойлу!” деген урааны менен Башмыйзамды бузуп жатканы белгиленген.
Айрым жарандык активисттер да ушундай эле негиз менен КСДПны шайлоодон четтетүүнү талап кылышкан. (AzK)
