Кары-картаңдарга жардам берип, кам көрүү ар бир жарандын, айрыкча колунда барлардын милдетине айланышы керек. Бул тууралуу өкмөт башчы Темир Сариевдин бүгүнкү Карылар күнүнө карата жолдогон куттуктоосунда айтылат.
Өкмөт башчы улгайган жарандардын жашоосун жеңилдетүү үчүн колдон келген аракет жасалып жатканын, оор жылдарды башынан өткөргөн муундун эрдиги жаштар үчүн ар дайым өрнөк болорун айтты.
Бүгүн Карылар күнүнө карата жер-жерлерде түрдүү иш-чаралар, кайрымдуулук акциялары, концерттер өтүп жатат.
Кыргызстанда жарым миллионго жакын пенсионер бар. (RK)
