Кыргызстанда милиция парламенттик шайлоого байланыштуу 1-октябрдан баштап күчөтүлгөн тартипте иштейт. Ички иштер министрлигинен “Азаттыкка” билдиришкендей, бул күндөрү жол кайгуул кызматкерлери да коопсуздукту көзөмөлдөөнү жүргүзүшөт. Күч кызматкерлерине элдик кошуун өкүлдөрү көмөктөшөт.
Бишкек шаардык Ички иштер башкармалыгында оперативдүү штаб түзүлүп, коомдук коопсуздукту камсыз кылуунун жалпы планы иштелип чыкты.
Кыргызстанда Жогорку Кеңешке шайлоо 4-октябрда өтөт. Ага 14 партия ат салышууда. (КЕ)
