Мургаптан ооган чек арасын карай кеткен жолдо дээрлик 4 мин метр бийиктикте Аличор айлы бар. Айылга киргенде дубалында МАРКО ПОЛО деген жазуусу бар ак дубал менен тосмолонгон конок үй дароо көзгө учурайт. Жай мезгилинде мында алыс жол басып келген батыштык саякатчылардын аягы үзүлбөйт. Катаал жаратылыш шартында мал менен кошо туризмди аркалаган ардагер ишкер Тагайбек Патандаев менен анын конок үйүндө Жаңыл Жусупжан баарлашты.