Президенттик аппараттын мурдагы башчысы Данияр Нарымбаевдин абак мөөнөтү боюнча райондук соттун чечими күчүндө калды. Бүгүн Бишкек шаардык соту Октябрь райондук сотунун аны 15-сентябрга чейин абакта кармоо чечимин күчүндө калтырды. Бул тууралуу "Азаттыкка" Жогорку Соттун маалымат катчысы Айнура Токтошева кабарлады.
Нарымбаев Бишкектин мурдагы мэри, коррупция үчүн соттолуп жаткан Нариман Түлеевдин туугандарынан пара талап кылган деген шек менен 22-июлда кармалган болчу. Учурда ал УКМКнын тергөө абагында жатат. (RK)
