Донецкте белгисиз адамдар ЕККУнун унааларын өрттөп кетти

8-августтан 9-августка караган түнү ЕККУнун Донецктеги байкоочу миссиясына таандык брондуу унаалары өрттөнүп кетти. Уюмдун маалыматына караганда, өрт түнкү 2де башталган. Үч машина толугу менен күйүп, бирөө олуттуу жабыркаган. Ал эми өрт дагы үч унаага бир аз зыянын тийгизген. Акыркы күндөрү Донецкте ЕККУнун миссиясына каршы бир катар нааразылык акциялар болуп өттү. Ага карабастан "Донецк элдик респуликасы" машиналарды өрттөөгө украин аскерлеринин колунан келген иш деп билдирди.