Кавар терип, акча тапкан балдар

Жалал-Абадда окуучулар жайкы эс алуу башталгандан тартып талаада кавар (каперс) терүү менен алек болууда. Мектепке жаңы форма, окуу куралдарын сатып алууга балдар өздөрү акча камдайт. Бир бала күнүнө 4-5 кг кавар терип, 300 сомдой акча табат. Алардын бири Сузактын №42 Т.Мирзалиев атындагы орто мектебинин 9-классынын окуучусу Бактияр Каримов. Бактияр эки айдан бери талаада кавар терип, 10 миң сомго жакын акча чогултту.