Мамлекеттик экологиялык жана техникалык инспекциянын Ош шаардык башкармалыгынын башчысы Г.А. 30 миң сом өлчөмүндө пара алып жаткан жеринен кармалды. Бул кабарды “Азаттыкка” Ош шаардык ИИБинин маалымат катчысы Замир Сыдыков билдирди.
Ички иштер башкармалыгынан билдиришкендей, Г.А. Ош шаарынын 26 жаштагы тургунунан тендерден утуп алган курулушун текшербөө үчүн 1000 доллар талап кылган.
Учурда ал Жаза-процессуалдык кодексинин 94-беренеси менен 48 саатка кармалды.
Өздүк булактардан маалым болгондой, Г.А. мурдагы кылмыш төбөлү, маркум Алмамбет Анапияевдин бир тууган агасы Галмамат Анапияев. (МТо)
