Насыя өлкөнү дефолттон сактап калуу жана Грециянин евромейкиндиктеги ордун жоготпоосу үчүн зарыл.
Келишимде көрсөтүлгөндөй, грек парламенти 15-июлда экономиканын негизги тармактарын реформалоо боюнча мыйзамды кабыл алыш керек.
Реформа пенсия системасын оптималдаштырып, салыктардын өлчөмүн көбөйтүп, эмгек рыногун либералдаштырып, электр энергетика тармагын менчиктештирип, дүкөндөрдүн жумуш убактысын узартууга тийиш.
Греция келишимди кандай аткарганын Европанын Борбордук банкы жана Европа монетардык союзунун министрлери көзөмөлдөйт.
Премьер-министр Алексис Ципрастын айтымында, Брюсселде мүмкүн болгон эң мыкты келишим түзүлгөн.
