22-июндун кечинде Жалал-Абаддын Ала-Бука районунда мектептин бүтүрүүчүлөрү бараткан “Хонда Одиссей” унаасы жол кырсыгына кабылып, колледждин 18 жаштагы 2 студенти жана 19 жаштагы оператор каза тапты. Бул тууралуу райондук милициянын тергөөчүсү Азамат Калмуратов “Азаттыкка” билдирди. Унаада бараткандар райондогу №2 Турабаев атындагы мектептин 11-классынын бүтүрүүчүлөрү болчу жана алар райондун борборуна келе жатышкан. Учурда жараат алган 5 өспүрүм менен айдоочу райондук ооруканада жатат.
Кырсыктан каза тапкандар:
1. Тилек Турсуналиев (1996-жылы туулган, оператор)
2. Медербек Абдиев (1997-жылы туулган, колледждин студенти)
3. Айзада Долонова (1997-жылы туулган, колледждин студенти). (RsK)
