Шарият жылнаамасы боюнча 18-июндан тарта Рамазан айы башталып, дүйнө жүзүндөгү мусулмандар орозо кармады. Алдыдагы 30 күн бою алар таң аткандан күн батканга чейин наар тартпай, Исламдын беш парзынын бири болгон орозо амалын аткарышат.
Бул айда мусулмандар колу жука кишилер үчүн муфтият белгилеген өлчөмдө орозо питир акчасын беришет. Быйыл ал Кыргызстанда жан башына 40 сомдон деп чечилген. (SE)
