Жогорку Кеңештин Билим берүү, илим, маданият жана спорт комитетинин депутаттары 2010-2015-жылдар аралагында агартуу тармагында аткарылган иштердин күңгөй-тескейин талкуулайт. Көчмө жыйын бүгүн Билим берүү жана илим министрлигинде өтөт. Эл өкүлдөрүнө министр Элвира Сариева маалымат берет.
Парламенттин басма сөз кызматынан билдиришкендей, чогулушка баш прокурор Индира Жолдубаева да катышып, бул тармактагы мыйзамсыздыктар жөнүндө баяндама жасайт. Ал эми каржы министри Адылбек Касымалиев билим берүүгө бөлүнүп жаткан акча жөнүндө айтып бермекчи. Ошондой эле мектептердин абалы жана муктаждыктар тууралуу сөз болмокчу. (SE)
