Бишкек шаардык мэриясы “Тазалыктын” унаасы катышуусунда адам өмүрү кыйылган кырсык боюнча маалымат берди. Маалыматка ылайык, кырсык 30-май түнү борбордогу Турусбеков көчөсүндө болгон. Анда түн ичинде “Тазалыктын” унаасы таштандынын жанында уктап жаткан селсаякты көрбөй калып тепселеп кеткен. Ал адам ошол жерден жан берген. Учурда маркумдун тек-жайы аныкталууда.
Мэрия бул окуя кокустук болгонун, иликтөө башталганын маалымдады. Айдоочу соо абалда болгону аныкталган соң камактан бошотулду. (BkA)
