Оштун Кара-Суу районунда “Хизб ут-Тахрир” экстремисттик уюмунун активдүү мүчөсү деген шек менен кармалган Рашод Камаловдун камактагы мөөнөтү 27-майга чейин узартылды. Мындай чечимди Ош шаардык соту 6-майда чыгарды.
Камаловдун адвокаттарынын судьяга ишеним көрсөтпөө талабын сот канааттандырган жок.
Кара-Суудагы “Ас-Сарахсий” мечитинде имам болуп жүргөн 37 жаштагы Рашод Камалов 9-февралда кармалган. Ал экстремизмге чакырык жасаган, Кыргызстанда халифат курууга аракет кылган жана Сирияга адамдарды жөнөткөн деп шек менен камалган. (RK)
