"Бомба чабуулунда БУУнун алты кызматкери набыт болгону тастыкталды" деп билдирди 20-апрелде Гароуэ шаардык полициясынын өкүлү Абдулла Мухаммед. Бирок "Ройтерс" агенттиги башка полициячыга шилтеме жасап жардыруудан 9 адам, анын ичинде 2 кениялык жана сомалилик 7 күзөтчү курман болгонун кабарлады.
Бомба чабуулун ким уюштурганы азырынча белгисиз.
Сомалиде шариатка негизделген бийлик орнотууну көздөгөн “аш-Шабааб” экстремисттик тобу өкмөттүк мекемелерге жана чет элдик уюмдарга үзбөй кол салып турат. Алар өткөн жумада Могадишо шаарында өкмөттүк имараттарга чабуул жасаганда 10 адам өлгөн.
