АКШнын Биргелешкен штабдарынын командачысы генерал Мартин Дэмпси "Ислам мамлекети" радикал тобунун согушкерлери Ирактын Бажи шаарында мунай тазалоочу ишканага жакындашканын, бирок азырынча заводго коркунуч жаралбаганын айтты. Генерал Рамадиге караганда Бажини коргоого көбүрөөк көңүл буруу керектигин кыйытты.
"Ирак бийлиги Бажини кайра кайтарып алса, өлкөнүн бардык мунай инфраструктурасын көзөмөлгө алган болот, анда экстремисттер киреше булагынан айрылып калышат", - деди генерал.
