Жогорку Кеңештин депутаты Данияр Тербишалиев жайкы туризмге даярдык, туристтердин коопсуздугу, жергиликтүү элге түзүлүп жаткан шарттар туурасында өкмөттүк саат өткөрүүнү сунуштады.
Буга чейин Туризм департаменти 2015-2017-жылдарга карат туризмди өнүктүрүү программасы иштелип чыкканын билдирген. Анда кыска убакыттын ичинде жасалчу иштер белгиленген. Муну менен Кыргызстанга келген туристтердин санын дагы 150 миңге көбөйтүү максат кылынууда. Департаменттин маалыматы боюнча, былтыр Кыргызстанга 4 млн. турист кирген. Алардын 175 миңи алыскы өлкөлөрдөн. (КЕ)
