Пластмасса түтүк, плита жана башка курулуш материалдарын чыгарган SAUBER компаниясы кирешесин жашырып, салыктарды толук төлөбөй иштеп жатканы аныкталды. УКМКнын коррупцияга каршы кызматы жүргүзгөн иликтөөнүн натыйжасында, ишкана салыкка түшүшү керек болгон 5 миллион 408 миң сомду өз пайдасына кымырып алганы ачыкка чыкты. Буга байланыштуу компанияга Кылмыш-жаза кодексинин 213-беренеси менен кылмыш иши козголгонун атайын кызматтын коомчулук менен байланышуу бөлүмү кабарлады.
SAUBER компаниясынын негиздөөчүлөрү Кемал Газиоглу жана Эмрах Газиоглу. Жетекчиси Максатбек Токтоболотов. (SE)
