Кочкор районундагы Чолпон айылынын тургуну өзүнүн 5,5 айлык баласын 1 баш койго сатып жиберген.
Бул тууралуу "Азаттыкка" Нарын облустук ички иштер башкармалыгынын басма сөз катчысы Медина Султаналиева кабарлады. Анын айтымында, Чолпон айылынын С.К. аттуу тургуну Кочкор райондук милициясына 2015-жылы 23-март күнү Т.А. аттуу аял анын үйүнө келип 5,5 айлык кызын 5 миң сомго сата турганын айткан. Бирок ал акчасы жок экенин айтып, кызын бир баш кой берип алып калган.
Оперативдүү иликтөөнүн жүрүшүндө Чолпон айылынын тургуну, 1989-жылы туулган Т.А. аттуу келин кармалып, учурда тергөө иштери жүрүүдө. (MiK)
