Бул тууралуу вице-премьер-министр Дамира Ниязалиева апрель ыңкылабынын катышуучулары менен болгон жолугушууда билдирди. Анын айтымында, 2010-жылдын апрель-июнь окуяларында каза тапкандардын үй-бүлөлөрүнө, алардын ичинде аскер кызматкери жана укук коргоо органдарынын кызматкерлеринин үй-бүлөлөрүнө 10 миң сомдон бир жолку материалдык жардам берилет. Ал эми бул окуялар учурунда жабыркап, ден соолугуна оор залал келгендерге 5 миң сомдон акча берилет. Жеңил жараат алгандар 3 миң сомдон жардам алышат.
2010-жылдагы окуяларда каза таап, жабыркагандардын үй-бүлөлөрүн социалдык жактан коргоо боюнча мыйзам 2012-жылдын 22-октябрында кабыл алынган. (AzK)
