Көчкү коркунучундагы карды атып түшүрүү иштерине байланыштуу 15-мартка чейин Бишкек-Ош жолунун айрым участкалары убактылуу жабылат.
Бул тууралуу Өзгөчө кырдаалдар министрлигинен кабарлашты. Аткылоо иштери Коргоо министрлиги менен Унаа жана байланыш министрлигинин көмөгү аркылуу ишке ашууда. Ички иштер министрлигинин Жол кайгуул кызматы жол тыгынын болтурбоо боюнча иштерди жүргүзүп жатат. Ал эми Саламаттыкты сактоо министрлиги керек учурда медициналык жардам берүү максатында адистерди жиберген. (SE)
