АКШ чемпиондору балдарга сноуборд тепкенди үйрөтөт

Чүйдүн Чуңкурчак тоо-лыжа базасында АКШдан келген сноубордчулар, Олимпиада оюндарынын катышуучулары Фей Гулини жана Жастин Рейтер жатак мектептердин тарбиялануучуларына сноуборд тебүүнү үйрөтүштү. Алар АКШ элчилигинин чакыруусу, Билим берүү министрлигинин колдоосу менен Кыргызстанга келишкен. Саамалык Каракол шаарында да уланат. Иш-чаранын алкагында Чүй, Бишкек жана Ысык-Көл аймактарындагы ата-эне камкордугунан ажыраган 55 бала сноуборд тебүүнүн сырларын үйрөнөт. Ал эми башка облустардагы балдар транспорттук мүмкүнчүлүктөрү болбогондуктан келе алышкан эмес. Сноубордчулар 20-февралга чейин Кыргызстанда болот.