Жалал-Абад облусунда балдарга карата зордук-зомбулукту алдын алуу үчүн 31 штаб ачылды. Бул тууралуу Социалдык өнүктүрүү министрлигинин маалымат кызматы кабарлайт.
Маалыматка караганда, штабдар облустун бардык райондорунда, 3 шаарда жана 20 айыл аймакта жайгашкан. Анда атайын адистер үймө-үй кыдырып, балдарды текшерүүгө алышат. Ошондой эле ата-энелердин жоопкерчилиги боюнча жыйындар өткөрүлүп турат.
Жалал-Абад облусунда жалпысынан 400 миң бала бар. Өткөн жылы 454 бала түрдүү себептерден улам ата-эненин камкордугусуз калган. (МТо)
