Үч жыл кулчулукта жүргөн Жумагүл

Өзүн Жумагүл Жусуп кызы деп тааныштырган кыздын жашы 23-мартта 25ке толот. Ал Ноокат районунан экенин айтууда. Үч жыл мурда анча тааныш эмес адамдар менен Казакстанга иштегени барып, кулчулукка кабылган. Аны “Замандаш” ассоциациясынын Казакстандагы өкүлдөрү Алматыдан алысыраак жайгашкан жерде кулчулукта жүргөн жеринен куткарып келишти. Кызды үч жыл мурун Нурила аттуу чала тааныш аял “Казакстанга барып, тамекиге иштеп, көп акча таап келебиз” деп алпарып, бирөөлөргө сатып жиберген. Жумагүлдүн өзүнүн айтымында, мектептке окубагандыктан, кат-сабаты да жоюлган эмес.