Ош облусунун айрым тоолуу унаа жолдору ушул тапта жабык турат. Өзгөчө кырдаалдар министрлигинен кабарлашкандай, кечээ, 8-февралдын кечинде Алай районунда Ош - Сары-Таш - Эркеч-Там унаа жолунун 176-177-чакырымында болжол менен көлөмү 630 м3 болгон кар көчкү түштү.
Кара-Кулжа районундагы Мырза- Аке - Кара-Кулжа - Алайкуу унаа жолунун 98-100-чакырымында болжол менен көлөмү 396 м3 кар көчкү түштү.
Учурда окуя болгон жерлерде жол тазаланып жатат, адам өмүрүнө зыян тийген жок. (RK)
