Донецк жана Луганск облустарындагы шаарлардан согуштук аракеттерден улам адамдарды башка жакка көчүрүү иштери уланууда. Украинанын Өзгөчө кырдаалдар боюнча кызматынан кабарлашкандай, соңку он күн ичинде эле 4 жарым миңден ашык адам эвакуацияланган. Дебальцево жана Авдеевкага гуманитардык жардам жеткирүү уланууда.
Өткөн түнү да Донбасста аткылашуулар орун алды. Украин армиясынын командачылыгынын маалыматы боюнча, жикчилдер Донецк жана Луганск облустарындагы калктуу конуштарды 30 жолу аткылаган. (ZMa)
