Өкмөт башчы Жоомарт Оторбаев бүгүн, 1-декабрда Москвада Орусиянын премьер-министри Дмитрий Медведев менен жолугат. Тараптар экономика, энергетика, транспорт, өндүрүш, каржы жана башка маселелер боюнча кызматташууну талкуулайт.
Өкмөттүн басма сөз кызматы билдиргендей, Оторбаев 2-декабрь күнү Кыргызстан менен Орусиянын ортосундагы соода-экономикалык, илимий-техникалык жана гуманитардык кызматташтык боюнча өтө турган өкмөттөр аралык жыйынга да катышат.
Кыргызстан жаңы жылдан тарта Орусия, Казакстан, Беларус кирген Бажы биримдигине жана Евразия экономикалык аймагына мүчө болот. Бирок адистер бул жараян Кыргызстанда баалардын кымбатташына алып келерин эскертишүүдө. (SE)
