Орусиянын “Роснефть” компаниясы “Манас” аэропортуна хаб куруу үчүн кыргыз-орус биргелешкен уюмун түзүүнү сунуштады. Аны орус тарап башкарып, эл аралык “Манас” аэропорту акциялары менен кирет, ал эми “Роснефть” 300 миллион доллар инвестиция салат. Бул тууралуу бүгүн Бишкекте хаб куруу долбоору боюнча өтүп жаткан биринчи инвестициялык угууда маалым болду.
“Манас" аба майданындагы Транзит жүк ташуу борборунун ордуна хаб куруу боюнча тогуз чет элдик компаниядан сунуш келип түштү. Алар Орусия, Кытай, Түркия, Казакстан, Молдова мамлекеттерине таандык ишканалар. (SE)
